Цахим үйлчилгээг хаанаас ч, хэзээ ч

Тоон гарын үсгийн технологи нь цахим орчинд дамжигдаж буй аливаа өгөгдөл, баримт бичгийн бүрэн бүтэн байдал, үнэн зөвийг баталгаажуулдаг ба энгийн гарын үсгийн нэгэн адил хуулиар баталгаажсан байдаг.

Хувийн болоод байгууллагын аль ч хэрэгцээнд ашиглаж, цаг зав, хөрөнгө мөнгөө хэмнэх бололцоог олгодог уг технологийг бид хэрэглэгчдэд хамгийн хямд, хялбар, хүртээмжтэй байдлаар хүргэж байна.

Яагаад тридум кэй гэж?

Бид хамгийн хямд, найдвартай, уян хатан, дэлхийд шалгарсан шийдлийг санал болгон ажиллаж байна. Манай харилцагч болсноор та цахим гарын үсгийн хамгийн хүртээмжтэй хэрэглээг авах болно.

Аюулгүй байдал

Монгол улсын цахим гарын үсгийн тухай хуулиар баталгаажсан ба энгийн гарын үсгийн нэгэн адил хүчин төгөлдөр үйлчилнэ.

Хялбар хэрэглээ

Аливаа онлайн үйлчилгээг аюулгүй явуулах боломж олгодог тул заавал биеэр очиж баталгаажуулах шаардлагатай байдаг бүхий л үйлчилгээг цаг хугацаа, орон зайнаас үл хамааран авах боломжтой болох юм.

Хуулиар баталгаажсан

Тоон гарын үсгийг ашигласнаар цахим орчинд хэрэглэгчийг таних, баталгаажуулах процесс хамгийн найдвартай хэмжээнд хүрэх бөгөөд онлайн гүйлгээ, эсвэл бусад цахим үйлчилгээний үеийн аливаа халдлага, хууран мэхлэлтүүдээс хамгаалагдах юм.

Юунд ашиглах вэ?

  • Та Монгол улсад хүчин төгөлдөр ашиглагдах тоон гарын үсгийн гэрчилгээг эзэмшсэнээр цахим үйлчилгээндээ уг технологийг нэвтрүүлсэн бүхий л хэрэглээнд хэрэглэж болохоос гадна баримт бичигт гарын үсэг зурж баталгаажуулах бүрэн боломжтой.
  • Жишээлбэл www.burtgel.mn, НДЕГазрын цахим үйлчилгээ, мобайл аппликэйшн, бусад банк, санхүүгийн байгууллагуудын онлайн үйлчилгээ зэрэгт ашиглах боломжтой юм.
  • Энэхүү хэрэглээнүүд нь цаашдаа улам олон болж, хэрэглэгч таны цаг завыг хэмнэж, илүү олон цахим үйлчилгээг найдвартай, баталгаажсан байдлаар авах бололцоог нэмэгдүүлсээр байх болно.

Хэрхэн авах вэ?

Хэрэглэгч та тоон гарын үсэгтэй болохыг хүсвэл манай бүртгэлийн нэгжүүдээр биеэр очиж авах боломжтой. Мөн бид та бүхний цаг завыг хэмнэх үүднээс хэрэглэгчийн формыг онлайнаар урьдчилан бөглөх боломжийг олгож байгаа юм.

Та манай веб хуудсын "Бүртгүүлэх" хэсэгт зочилж, өөрийн мэдээллийг үнэн зөв оруулах шаардлагатай бөгөөд ингэснээр бүртгэлийн нэгжид өөрийн биеэр ирж тоон гарын үсгийн төхөөрөмжийг авах үед маягт бөглүүлж авахгүй. Зөвхөн урьдчилан бөглөсөн өгөгдлийг шалгуулж, гарын үсэг зурж, баталгаажуулах юм.

Мөн та СИМ картанд суурилсан тоон гарын үсгийн гэрчилгээг авахыг хүсвэл Улаанбаатар хот дахь Мобикомын үндсэн салбаруудад өөрийн иргэний үнэмлэхтэй очиход хангалттай. 

Уг үйлчилгээ нь цахим орчинд гарын үсгийг бүрэн орлох тул хэрэглэгч таны өөрийн аюулгүй байдлыг хангах үүднээс бүртгүүлэхээр ирэхэд дараах материалуудыг заавал шаарддаг:

Байгууллагыг төлөөлөх бол:

  • Байгууллагын гэрчилгээ
  • Гэрчилгээ авах хэрэглэгчийн нэр, албан тушаалыг нотолсон албан тоот /эх хувиар/
  • Иргэний үнэмлэх /эх хувиар/
  • Өөрийн биеэр ирэх

Хувь хүн:

  • Иргэний үнэмлэх /эх хувиар/
  • Өөрийн биеэр ирэх

Апп татаж авах

TridumKey аппликейшн нь Тридум кей ХХКомпанийн зүгээс мобайл хэрэглэгчдэд зориулан гаргасан гуравдагч аппликейшны тусламжтайгаар өгөгдөлд гарын үсэг зурах зориулалт бүхий гар утасны аппликейшн юм.

Tridum Key desktop client татах